संजय सूर्यवंशी, साम टीव्ही

आज क्रांतिकारी शेतकरी संघटनेच्या आक्रोश मोर्च्याच्या समारोपानंतर जिल्हाधिकारी कार्यालयाच्या गेटवर तणाव निर्माण झाला. मोर्च्याच्या कार्यक्रमानंतर शेतकरी नेते रविकांत तुपकर जिल्हाधिकाऱ्यांना भेटण्यासाठी जात असताना पोलीस आणि शेतकरी संघटनेच्या कार्यकर्त्यांमध्ये बाचाबाची झाली. जिल्हाधिकारी कार्यालयाच्या गेटवर तुपकर आणि कार्यकर्त्यांना अडवल्यामुळे दोन्ही बाजूंमध्ये वाद निर्माण झाला. पोलीस प्रशासनाने परिस्थिती नियंत्रणात आणण्यासाठी प्रयत्न केले, मात्र तणावाच्या घटनेमुळे परिसरात काही काळ तणावाचे वातावरण राहिले. सध्या शेतकरी संघटना आणि प्रशासनामध्ये चर्चा सुरु असून, परिस्थिती सध्या नियंत्रणात असल्याचे प्रशासनाकडून सांगण्यात आले आहे.