नांदेडच्या आयटीआयच्या चौकात हॉर्न वाजवल्याचा राग आला म्हणून तरुणाने थेट कारवर चढून चालकाला मारहाण केल्याचा प्रकार घडला आहे. डॉक्टर प्रकाश नागरगोजे यांना ही मारहाण करण्यात आली आहे. लोहा तालुक्यातील मालकोळी येथे त्यांचं रुग्णालय आहे. नेहमी प्रमाणे ते आज चारचाकी वाहनातून हॉस्पिटला जातं होते. गाडीबरोबर साडेअकरा वाजता आयटीआय चौकात आली. त्यानंतर त्यांनी पुढील वाहनांना हॉर्न दिला. त्यावरून एका तरुणाला राग आल्याने त्याने थेट कारच्या टपावर चढून डॉक्टर नागरगोजे यांना मारहाण करायला सुरुवात केली. एखाद्या अॅक्शन मुव्हीच्या सीनसारखा हा सर्व प्रकार घडला. त्यामुळे काही काळ सगळेच चक्रावलेले बघायला मिळाले. मारहाणाच्या प्रकारामुळे नागरगोजे पोलिस स्टेशनला पोहचले. पण हॉर्न वाजवल्यानं तापलेल्या या पठ्याचा व्हिडीओ चांगलांचं व्हायरल होतोय. पुन्हा एकदा कायदा सुव्यवस्थेचा प्रश्न कारच्या टपावर आलाय असंच हा व्हिडिओ बघताना वाटतंय.