नांदेड शहर गोळीबाराने हादरलं आहे. नांदेड शहरातील दुरुद्वारा परिसरात गोळीबार झाला आहे. ३ ते ४ जणांनी हा गोळीबार केला आहे. या गोळीबारात एक जण जखमी झाल्याची माहिती आहे. त्याच्यावर शासकीय रुग्णालयात उपचार सुरू आहे.

नांदेड शहरात सकाळी गोळीबाराची घटना घडली. या गोळीबारात दोन जण जखमी झाले आहेत. नांदेड शहरातील गुरुद्वारा परिसरात ही घटना घडली आहे. एका खून प्रकरणातील आरोपी २२ जानेवारीपासून पॅरोलवर जेल मधून बाहेर आला होता. त्याच्यावर आणि त्याच्यासोबत असलेल्या त्याच्या मित्रावर गोळीबार करण्यात आला. दोघांनाही गोळी लागल्यामुळे जखमींना नांदेडच्या शासकीय रुग्णालयात उपचारासाठी दाखल करण्यात आले आहे. गोळीबार नेमका कशामुळे झाला? किती आरोपी होते? हे अद्याप स्पष्ट झाले नसून लवकरच या घटनेचा तपास केला जाईल असे जिल्हा पोलीस अधीक्षक अबिनाश कुमार यांनी सांगितले.