निवडणुकीच्या मतदानाची तारीख जवळ येत असून प्रचाराचा ज्वर वाढलेला आहे. महाराष्ट्राचे भावी मुख्यमंत्री म्हणून काँग्रेस प्रदेशाध्यक्ष नाना पटोले यांच्या नावाची जोरदार चर्चा सर्वत्र आहे. विशेष म्हणजे वडिलांच्या प्रचारासाठी स्वत: लेक प्रचाराच्या मैदानात उतरलेली बघायला मिळत आहे.

विधानसभा निवडणूकीची रणधुमाळी सुरू असून सर्व उमेदवारांकडून जोरदार प्रचार सुरू आहे. मविआकडून कॉंग्रेसचे साकोली विधानसभेचे उमेदवार नाना पटोले यांच्याप्रचाराची धुरा त्यांच्या लेकीने सांभाळलेली बघायला मिळत आहे. नानांच्या प्रचारासाठी फिरणारी लेक प्रिया ही वडीलधाऱ्या मतदारांचा आशीर्वाद घेत तरुण-तरुणींसोबत गप्पा करून ती नाना पटोलेंना मतदान करण्याचं आवाहन करताना दिसून आली. लाखनी तालुक्यात प्रचारादरम्यान नानांची लाडकी लेक प्रिया हिने मतदारांना आवाहन करताना आमदार नव्हे तर, महाराष्ट्राच्या भावी मुख्यमंत्रीपदाच्या उमेदवाराला मतदान करा असं आवाहन केलं आहे.

Edited By Rakhi Rajput