मुंबई : नाना पटोले यांच्या कारचा अपघात झाला होता. त्यावरुन काँग्रेस नेते अतुल लोंढे यांनी गंभीर आरोप भाजपवर केलेत. विरोधी पक्षाला संपवून भाजपला निवडणूक जिंकायची आहे का? असा प्रश्न लोंढे यांनी उपस्थित केला आहे. ज्या ठिकाणी हा अपघात झाला, तेव्हा नेमकं घडलं काय? याची माहितीही लोंढे यांनी दिलीय. मागून येऊन ट्रकने धडक दिल्यावरुन लोंढे यांनी भाजपवर मोठी शंका उपस्थित केली. हा अपघात नसून घातपाताचा प्रयत्न असू शकतो, असं अतुल लोंढे यांनी म्हटलंय. साम टीव्हीशी बोलताना अतुल लोंढे यांनी पटोलेंच्या अपघातावरुन खळबळजनक विधान केलंय. प्रचार संपवून गावी जात असताना नाना पटोले यांच्या गाडीचा अपघात झाला होता.