नागपूर हिवाळी अधिवेशनादरम्यान भाजप आमदार कृष्णा खोपडे यांच्यानंतर आता काँग्रेसचे आमदार नितीन राऊत यांनाही धमकी देण्यात आली आहे. माझ्या कार्यालयात घुसून धमकी देण्यात आली असा गंभीर आरोप नितीन राऊत यांनी विधानसभेत केला. एक व्यक्ती बुलेटवरून जोरात आवाज करत आला आणि आरडाओरडा करू लागला असा अनुभव त्यांनी सांगितला. या घटनेमुळे आपल्या आणि कुटुंबीयांच्या जीवाला धोका असल्याची चिंता त्यांनी व्यक्त केली आहे. पोलिसांनी या प्रकरणी तपास सुरू केला असून काही संशयितांना ताब्यात घेतल्याची माहितीही राऊत यांनी दिली.