देशातील विविध भागात पेट्रोल पंपावर वाहनांच्या रांगा पाहायला मिळत आहे. पंपावर पेट्रोल मिळत नसल्याने अनेक वाहनधारक त्रस्त झाले आहेत. आता डिझेल नसल्याचे कारण देऊन पोलीसही काम टाळत असल्याचे समोर आलं आहे. डिझेल नाही म्हणणाऱ्या पोलिसाचा व्हिडिओ सोशल मीडियावर व्हायरल होत आहे. नागपूरच्या पाचपावली पोलीस स्टेशनमधील हा व्हिडिओ व्हायरल होत आहे.

पोलीस आणि तक्रारदाराच्या संवादाचा हा व्हिडिओ आहे. बेपत्ता मुलीला शोधायला पोलिसांकडे डिझेल नाही, असं पोलीस सांगताहेत. २१ वर्षीय मुलगी बेपत्ता झाल्याची तक्रार नोंदवण्यासाठी कुटुंब पोलीस ठाण्यात गेलं. वाहनात डिझेल नाही, शोधायला कसं जाणार? असं उत्तर पोलिसांनी दिल्याचा आरोप करण्यात आला आहे. विजय वडेट्टीवारांनी हा व्हिडिओ सोशल मीडियावर पोस्ट केला आहे. बेपत्ता मुलगी सुखरुप घरी आल्याची माहिती मिळत आहे. व्हिडिओ व्हायरल झाल्यानंतर पोलिसांनी कारवाई केल्याची माहिती मुख्यमंत्री देवेंद्र फडणवीसांनी दिलीये.