राज्यात आज शिक्षक आणि पदवीधर मतदारसंघांच्या निवडणुका पार पडल्या. मुख्यमंत्री देवेंद्र फडणवीस यांचा बालेकिल्ला असलेल्या नागपूर पदवीधर मतदारसंघात भाजप, काँग्रेस आणि अपक्ष उमेदवारांमध्ये तिरंगी लढत पाहायला मिळत आहे. भाजपकडून सुधाकर कोहळे, काँग्रेसकडून विद्यमान आमदार अभिजित वंजारी, तर अपक्ष म्हणून नितेश कराळे निवडणुकीच्या रिंगणात आहेत.

साम टीव्हीच्या एक्झिट पोलनुसार, भाजपचे उमेदवार सुधाकर कोहळे यांचे पारडे जड दिसत आहे. दरम्यान या निवडणुकीत भाजपमधील काही नेत्यांनी उमेदवारी न मिळाल्याने नाराजी व्यक्त केली होती. ही नाराजी दूर करण्यासाठी खुद्द मुख्यमंत्री देवेंद्र फडणवीस यांना पुढाकार घ्यावा लागला होता. त्यामुळे या निवडणुकीत CM देवेंद्र फडणवीस यांच्यासह महसूलमंत्री चंद्रशेखर बावनकुळे यांची प्रतिष्ठा पणाला लागली आहे.