नागपुरात एम्प्रेस मिल परिसरात एक धक्कादायक घटना घडली आहे. तब्बल १३० वर्षे जुनी असलेली एम्प्रेस मिलची भिंत अचानक कोसळली आहे. या घटनेत चार ते पाच वाहनांचे मोठे नुकसान झाले आहे. सुदैवाने, भिंत कोसळण्याच्या वेळी तिथून जात असलेला एक दुचाकीस्वार थोडक्यात बचावला आहे. त्यामुळे मोठी जीवितहानी टळली आहे. हा संपूर्ण धक्कादायक प्रकार सीसीटीव्हीत कैद झाला असून, फुटेज आता व्हायरल होत आहे. अचालक झालेल्या या घटनेमुळे परिसरातील नागरिकांमध्ये भीतीचं वातावरण निर्माण झालं आहे. तसेच जोरदार झालेल्या पावसामुळे ही जुनी भिंत कमजोर झाली असावी अशी चर्चा सुरु आहे.