नागपूर येथील मोठा ताजबाग परिसरात आग लागून मोठा हाहाकार निर्माण झाला आहे. शहरातील एकमिनार मशिदीजवळ असलेल्या एका कूलर कंपनीला भीषण आग लागल्याची घटना घडली आहे. या आगीचे लोट सर्व परिसरात मोठ्या प्रमाणात पसरल्यामुळे स्थानिकांमध्ये भीतीचे वातावरण निर्माण झाले आहे. आग लागली कळताच स्थानिक नागरिक हे सैरावरा पळायला लागले. मात्र ही आग कशामुळे लागली हे अद्याप स्पष्ट झाले नाहीये. आग लागल्याचे कळताच अग्निशमन विभागाच्या 3 गाड्या या घटनास्थळी दाखल झाल्या आहे. अग्निशमाक दलाचे जवान हे मोठ्या कसरतीने आगीवर नियंत्रन मिळवत आहे. आग बघण्यासाठी लोकांनी मोठ्या प्रमाणात गर्दी केली आहे. या आगीमध्ये कूलर कारखाना हा जळून खाक झाला असून मोठ्या प्रमाणात आर्थिक नुकसान झाले आहे.