नागपूर महानगरपालिका निवडणुकीच्या पार्श्वभूमीवर, शहरातील तरुणाईने 'आवाज महाराष्ट्राचा' या कार्यक्रमात आपल्या अपेक्षा आणि समस्या मांडल्या. 'वाढती बेरोजगारी हा वाढत्या गुन्हेगारीचा एक भाग आहे का? तर माझ्या मते हो सर,' असा थेट सवाल करत, नोकरी मिळत नसल्याने तरुण गुन्हेगारीकडे वळत असल्याचे मत एका विद्यार्थ्याने व्यक्त केलं.

शहरातील खराब रस्ते, बंद असलेले सीसीटीव्ही कॅमेरे, खेळाच्या मैदानांची अवस्था आणि कचरा व्यवस्थापनावर तरुणांनी बोट ठेवले. जाहीरनाम्यात दिलेली आश्वासने पूर्ण होत नसल्याचा आरोपही त्यांनी केला. महिलांची सुरक्षा, भ्रष्टाचार आणि अमली पदार्थांच्या वाढत्या विळख्यावरही त्यांनी चिंता व्यक्त केली.