Nagpur violence News : उपराजधानी नागपूरमध्ये सोमवारी रात्री हिंसाचार झाला. दोन गटामध्ये हाणामारी, वाद आणि दगडफेकीची घटना घडली. नागपूरमध्ये सध्या तणावपूर्ण शांतता असून जमावबंदी लावण्यात आली आहे. बाहेरून आलेल्या लोकांनी दंगल घडवल्याचा आरोप नागपूर मध्यचे आमदार प्रवीण दटके यांनी केला आहे.

महाल परिसर असेल, छत्रपती शिवाजी महाराज पुतळ्याचा परिसर असेल.राम मंदिर गल्ली, चित्रा टॉकीज आणि इतर भागात बाहेरून आलेल्या नागरिकांनी प्रचंड प्रमाणात दडगफेक केली आहे. गाड्या पेटवल्या आहेत. घरे जाळली आहे, गाड्याची जाळपोळ केली आहे. अग्निशामन दल आग विझवण्यासाठी आले, त्या कर्मचाऱ्यांनाही मारहाण झाल्याची माहिती आहे. माझ्याकडे १५० पेक्षा जास्त व्हिडीओ आहेत. सुरूवातीला पोलिसांचे प्रमाण कमी होते, पण आता पोलिसांची संख्या वाढली आहे. मोठ्या प्रमाणात पोलीस बंदोबस्त तैणात आहे. पण बाहेरून येणाऱ्या लोकांनी ज्या सामान्य लोकांची घरे पेटवली.. ठरवून त्यांनी घरावर दगडफेक केल्याची माहिती आहे, असे आमदार प्रवीण दटके म्हणाले.