नागपुरमध्ये एकीकडे विद्यार्थ्यांच्या बाईक स्टंटचा व्हिडिओ व्हायरल होताच त्यांना ७ हजारांचा दंड लावण्यात आला. तर दुसरीकडे सावनेरचे भाजप आमदार आशिष देशमुख हे बाईक चालवताना वाहतून नियमांचे उल्लंघन करून स्टंट करत असल्याचा व्हिडीओ समोर आला आहे. 'हर घर तिरंगा यात्रा' दरम्यानचा त्यांचा बाईक स्टंट करतानाचा हा व्हिडिओ आहे. भाजप आमदाराचा हा व्हिडीओ सोशल मीडियावर व्हायरल होत आहे.

विना हेल्मेट आमदार बाईकवर उभे राहून स्टंट करण्याचा प्रयत्न करत असल्याचे व्हिडिओमध्ये स्पष्ट दिसत आहे. धक्कादायक म्हणजे पोलिस अधिकारी त्यांच्या बाईकवर मागे बसला आहे. एकीकडे सर्वसामान्यांना वाहतुकीचे नियम दाखवणारा पोलिस विभाग आता आमदार आशिष देशमुख यांच्या विना हेल्मेट आणि बाईक चालवताना स्टंट करतानाच्या या व्हायरल व्हिडीओनंतर कारवाई करणार का? असा सवाल संतप्त नागरिक विचारत आहेत. आता ट्रॅफिक पोलिस आमदारावर काय कारवाई करतात हे पाहणं महत्वाचे राहिल.