नालासोपाराच्या कळंब समुद्रकिनारी आज सकाळच्या सुमारास एक रहस्यमय कंटेनर आढळून आल्याने खळबळ उडाली आहे. HPCU 4 88919 असा क्रमांक असलेला हा कंटेनर मॉर्निंग वॉकसाठी आलेल्या नागरिकांच्या निदर्शनास आला. नागरिकांनी तत्काळ नालासोपारा पोलिसांना याची माहिती दिली. ही माहिती मिळताच पोलीस घटनास्थळी दाखल झाले असून त्यांनी कंटेनरची चौकशी सुरू केली आहे. सद्य:स्थितीत या कंटेनरचे मालक कोण आहेत, तसेच तो कोणत्या कंपनीचा आहे, हे समजू शकलेले नाही.

घटनेची गंभीरता लक्षात घेता अर्नाळा सागरी पोलिस आणि तटरक्षक दलही तातडीने घटनास्थळी पोहोचले आहेत. कंटेनर पाहण्यासाठी परिसरातील नागरिकांनी मोठी गर्दी केली असून, यामध्ये नेमकं काय आहे याबाबत सर्वांनाच प्रचंड उत्सुकता आहे.