परांड्यात ठाकरे गटाकडून रणजीत पाटील आणि शरद पवार यांच्या राष्ट्रवादीकडून राहुल मोटे यांनी एबी फॉर्मसह उमेदवारी अर्ज दाखल केला आहे. याच पार्श्वभूमीवर राहुल मोटे यांनी एक मोठं विधान देखील केलं आहे. त्यामुळे परांड्यात सांगली पॅटर्नची पुनरावृत्ती होणार का? अशी चर्चा सध्या राजकीय वर्तुळात रंगली आहे. संभ्रम दूर करण्यासाठी वरिष्ठ स्तरावर प्रयत्न सुरू असल्याचं राहुल मोटे यांनी म्हंटलं आहे. मात्र यावर तोडगा निघाला नाही तर पूर्ण ताकदीने निवडणूक लढणार असल्याचा निर्धार सुद्धा त्यांनी यावेळी बोलून दाखलवा आहे.

विधानसभा निवडणुकीत परांडा मतदारसंघातून महाविकास आघाडीची डोकेदुखी सध्या वाढली आहे. मविआकडून राष्ट्रवादी शरद पवार गट आणि शिवसेना उद्धव ठाकरे गटाच्या उमेदवारांनी एबी फॉर्म लावून आपला उमेदवारी अर्ज दाखल केला असल्याने सध्या परांड्यात सांगली पॅटर्नच्या पुनरावृत्तीची शक्यता आहे. शरद पवार गटाचे उमेदवार राहुल मोटे यांनी याबाबत वरिष्ठ स्तरावर चर्चा सुरू असल्याचं म्हंटलं आहे. त्यामुळे हा संभ्रम लवकरच दूर होईल असं त्यांनी कार्यकर्त्यांना सांगितलं आहे. आता यावर नेमका काय तोडगा मविआकडून काढण्यात येईल हे पाहाणं महत्वाचं ठरणार आहे.

Edited By Rakhi Rajput