सोलापूरमध्ये मविआच्या खासदार प्रणिती शिंदे यांच्या नेतृत्वात संग्राम मोर्चा काढण्यात आला आहे. शेतकऱ्यांच्या प्रश्नासाठी राज्य आणि केंद्र सरकारला जाब विचारण्यासाठी हा मोर्चा काढण्यात आला. यावेळी प्रणिती शिंदे यांनी खांद्यावर प्रतिकात्मक नांगर घेतलेलं होतं.

महाविकास आघाडीकडून सोलापूरमध्ये मंगळवारी शेतकऱ्यांच्या प्रश्नावर संग्राम मोर्चा काढण्यात आला. खासदार प्रणिती शिंदे यांच्या नेतृत्वाखाली सोलापूरच्या चार हुतात्मा पुतळ्यापासून हा मोर्चा काढण्यात आला आहे. हातात शेतकऱ्यांच्या विविध मागण्यांचे फलक घेऊन शेतकरी या मोर्चात सहभागी झालेले आहेत. प्रणिती शिंदे यांनी देखील खांद्यावर प्रतिकात्मक नांगर घेतलेले दिसून आले आहे. पुढे जिल्हाधिकारी कार्यालयाजवळ हा मोर्चा जाणार असून या मोर्चाचं रूपांतर सभेत होणार आहे. या सभेत प्रणिती शिंदे काय बोलतील याकडे आता सगळ्यांचं लक्ष लागलं आहे. या मोर्चात मोठ्या संख्येने शेतकरी सहभागी झालेले आहेत. त्याचबरोबर राष्ट्रवादी कॉंग्रेस, उबाठा, कॉंग्रेसच्या कार्यकर्त्यांची देखील उपस्थिती दिसून आली आहे.