येणाऱ्या विधानसभा निवडणुकीच्या पार्श्वभूमीवर महाविकास आघाडीत जोरदार डावपेच आखले जात असल्याचं समजत आहे. मुंबईमधील 36 जागांपैकी काही जागांवरती घटक पक्षांनी दावा देखील केला आहे. यात ठाकरे गटाच्या शिवसेनेने 22, तर काँग्रेसने 18 आणि शरद पवार यांच्या राष्ट्रवादी काँग्रेसने 07 जागांवर दावा केला आहे. मात्र मुंबईतील 5 जागांवर आघाडीच्या कोणत्याही पक्षाने दावा केलेला नाही. या 5 जागांवर भाजपचे आमदार असल्यानं पराभवाच्या भितीने अद्याप या जागांवर दावा केलेला नसल्याचं सांगितलं जात आहे.

विधानसभेत सत्ता मिळवण्यासाठी महाविकास आघाडीने सध्या कंबर कसली आहे. त्यामुळे कोणी किती जागा लढवायच्या याची रणनिती आता आखली जात आहे. यात मुंबईच्या जागांसाठी सर्वच घटक पक्षांनी आपला दावा सांगितला आहे. मुंबईमधल्या 36 जागांपैकी 22 जागा ठाकरे गटाने, 18 जागा काँग्रेसने, तर 07 जागा शरद पवार यांच्या राष्ट्रवादी काँग्रेसने अशी दावेदारी सांगितली आहे. तरीही उर्वरित 5 जागांवर मात्र भाजपचे आमदार असल्याने पराभवाची भिती लक्षात घेऊन अद्यापही महाविकास आघाडीतील कोणत्याही पक्षाने दावा सांगितलेला नाही.