विधानसभा निवडणुकीत आता महाविकास आघाडी आणि महायुतीमध्ये देखील जागावाटपाचा संघर्ष बघायला मिळत आहे. कारण विधानसभा निकालानंतर सत्ता स्थापन करण्यासाठी आणि मुख्यमंत्रिपदाच्या दावेदारीसाठी हा संघर्ष असल्याचं सांगण्यात येत आहे. त्यामुळे जास्तीतजास्त जागा मिळवण्यासाठी आता मित्रांवरच कुरघोडी करण्याचे प्रयत्न दिसून येत आहेत.

विधानसभा निवडणुकीच्या निकालानंतर आकडेवारीचा खेळ निर्णायक भूमिका बजावणार आहे. ज्याचे जास्त आमदार त्याला मुख्यमंत्रिपद अशी भूमिका निकालानंतर समोर येऊ शकते. त्यामुळे आता जास्त आमदार निवडून आणायला जास्त जागा पदरी पडून घेणं गरजेचं आहे. म्हणून किंगमेकर बनण्यासाठी सर्वच पक्षांत संघर्ष सुरू झाला आहे. दरम्यान, महायुतीमधल्या उमेदवारी याद्या जाहीर होताच मोठ्याप्रमाणात बंडखोरी झाल्याचं पाहायला मिळत आहे. यात 25 ते 30 ठिकाणी नाराजांची बंडखोरीची शक्यता सूत्रांनी वर्तवली आहे. त्यामुळे महायुतीची डोकेदुखी चांगलीच वाढली आहे. यावर आता महायुती कसा तोडगा काढणार हे पाहाणं महत्वाचं ठरेल.

Edited By Rakhi Rajput