महाविकास आघाडीत ठाकरे गट आणि शरद पवार गटात रस्सीखेच सुरू झाली आहे. खासदार संजय राऊत यांनी श्रीगोंदामधून जाहीर केलेल्या उमेदवारीला शरद पवार यांच्या राष्ट्रवादीने आता आव्हान दिलं आहे. त्यामुळे आता राऊतांनी जाहीर केलेल्या उमेदवारीवरून मविआमध्ये वादंग झालं आहे.

मविआमध्ये जागा वाटपावरून वाद सुरू असतानाच आता श्रीगोंदाच्या उमेदवारीवरून देखील वाद निर्माण झाल्याचं बघायला मिळत आहे. ठाकरे गटाचे खासदार संजय राऊत यांनी महिनाभरा आधी साजन पाचपुतेंची उमेदवारी जाहीर केली होती. मात्र शरद पवार यांच्या राष्ट्रवादीचे माजी आमदार राहुल जगताप यांनी देखील निवडणुकीची तयारी सुरू केली आहे. पक्षानेच मला तयारी करायला सांगितली असल्याचं जगताप यांनी म्हंटलं आहे. त्यामुळे आता या जागेचा तिढा मविआ कसा सोडवणार हे पाहाणं महत्वाचं ठरेल.