महाविकास आघाडीमध्ये बिघाडी होण्याची शक्यता आहे. जागापाटपावरून मविआमधील वाद चव्हाट्यावर आलाय. ठाकरे गट वेगळा निर्णय घेण्याच्या तयारीत असल्याचं सांगितलं जात आहे, त्याचदरम्यान आदित्य ठाकरे वाय. बी. सेंटरमध्ये शरद पवार यांच्या भेटीला गेले आहेत. काँग्रेस आणि ठाकरे गटात झालेल्या वादानंतर आज वाय. बी. सेंटरमध्ये मविआची बैठक पार पडत आहे. या बैठकीसाठी आदित्य ठाकरे पोहोचले आहेत.

मिळालेल्या माहितीनुसार, गेल्या काही दिवसांपासून मविआत जागावाटपावरून तेढ निर्माण झालीय. त्यात ठाकरे गट आणि काँग्रेसमध्ये वाद झाला. राज्यातील नेते जागावाटपावर निर्णय घेण्यास सक्षम नसल्याचं म्हटलं होतं. वाय. बी. सेंटरमध्ये आलेले आदित्य ठाकरेंना याबाबत प्रश्न करण्यात आला होता त्यावेळी त्यांनी त्यावर उत्तर देणं टाळलंय.