मुंबई : कोल्हापूर जिल्ह्यातील शिंगणापूर गावात मुस्लिम बांधवासंदर्भात ग्रामसभेने एक ठराव मंजूर केलाय. कोल्हापूर जिल्ह्यातील शिंगणापूर गावात मुस्लिम मतदारांची नवीन नावे मतदार यादीत समाविष्ट नको, असा ठराव ग्रामसभेत मंजूर करण्यात आलाय. शिंगणापूर ग्रामसभेतील हा ठराव मोठ्या प्रमाणावर समाज माध्यमांवर व्हायरल होत आहे.

शिंगणापूर ग्रामसभेचा ठराव व्हायरल झाल्याने गोंधळ उडालाय. तर शिंगणापूर गावचे सरपंच या प्रकाराबाबत सारवासारव करताना दिसले. त्यानंतर बांग्लादेशीय अल्पसंख्यांक बाबत हा ठराव असल्याचा सरपंचांनी खुलासा केलाय. तो वादग्रस्त ठराव अधिकृत नसल्याचं मत अधिकाऱ्यांनी व्यक्त केलंय. तो ठराव केवळ अल्पसंख्यांकांसाठी होता, अशी प्रतिक्रिया गावच्या सरपंचांनी दिलीय. परिसरात २ बांग्लादेशी महिला आढळून आल्या होत्या, त्यामुळे असा निर्णय घेण्यात आलं होतं, असं सरपंचांनी सांगितलंय.