वर्गात जय श्रीरामचा नारा देणाऱ्या विद्यार्थ्याला मुस्लिम शिक्षकाने बेदम मारहाण केली. पेण तालुक्यातील जोहे गावातील हायस्कूलमध्ये हा प्रकार घडला. या घटनेनंतर ग्रामस्थ संतप्त झाले असून गावकऱ्यांनी शिक्षकाला चांगलेच झापले आणि माफी मागायला लावली. पोलिसांनी हस्तक्षेप करून वातावरण शांत केले. जोहे येथील हायस्कूलमध्ये आठवीच्या वर्गात काही मुलांनी जय श्रीरामचा नारा दिला. ही घोषणा भानुदास पाटील या विद्यार्थ्याने केल्याच्या संशयातून मोमिन सर या शिक्षकाने त्याला मारहाण केली. आता या शिक्षकाच्या निलंबनाची मागणी पालकांकडून होते आहे.