मीरा-भाईंदरमध्ये अमराठी व्यावसायिकांनी मोर्चा काढून शक्तीप्रदर्शन केल्यानंतर त्याला प्रत्युत्तर म्हणून मनसेकडून मोर्चा काढला जाणारेय. मात्र, पोलिसांनी या मोर्चाला परवानगी नाकारली असून काल रात्रीपासून प्रतिबंधात्मक कारवाईला सुरुवात केली होती. पोलिसांनी आधीच मनसे आणि ठाकरे गटाच्या कार्यकर्त्यांना आणि पदाधिकाऱ्यांना नोटीस बजावण्यास सुरुवात केली होती.

अविनाश जाधव यांनाही नोटीस बजावण्यात आली होती. मात्र, ते मोर्चा काढण्यावर ठाम असल्याने पोलिसांनी मंगळवारी पहाटे साडेतीन वाजता त्यांच्या घरी जाऊन त्यांना ताब्यात घेतलं. संदीप देशपांडे आणि राजू पाटलांनाही पोलिसांनी नोटीस बजावलीय. तरी देखील मीरा भाईंदरमध्ये मनसेकडून मोर्चा काढण्यात आला. या मोर्चामध्ये मुस्लिम बांधवांनी देखील सहभाग घेत महाराष्ट्रात राहायचे असेल मराठी बोलावेच लागेल असा इशारा मुस्लिम बांधवांनी दिला.