साम टीव्हीच्या बातमीनंतर अखेर मुंबईतील पालिका प्रशासन खडबडून जागं झालंय. शॉर्मा खाऊन मृत्यू झालेल्या तरुणाची बातमी साम टीव्हीनं लावून धरली होती. १९ वर्षीय तरुणाच्या मृत्यूची खळबळजनक घटना घडल्यानंतर या मुलाच्या मृत्यूला जबाबदार कोण? असा सवालही सातत्यानं उपस्थित केला जात होता. अशातच आता पालिकेनं साम टीव्हीच्या बातमीची दखल घेत मानखुर्दमधील अन्य काही फेरीवाल्यांवरही पालिकेनं कारवाई केल्याचं वृत्त समोर आलं आहे. एकूण फेरीवाल्यांना पोलिसांनी हटवलं असून त्यांच्यावर पालिकेनं धडक कारवाई केली आहे. १९ वर्षीय तरुणाचा शॉर्मा खाल्यानंतर मृत्यू झाल्यानंतर अनेक सवाल उपस्थित झाले होते. दरम्यान, ज्या शॉर्मा विक्रेत्याकडे या तरुणानं खरेदी केली होती, त्याच्याकडीलच शॉर्मा खाऊन इतर काही मुलांचीही प्रकृती बिघडल्यानं चिंता व्यक्त केला जात होती. अशातच आता पालिकेनं कडक कारवाई करत शॉर्मा विक्रेत्यांना दणका दिलाय.