Maharashtra Rain Update News Today: मुंबईसह किनारपट्टीवर पावसाचा येलो अलर्ट जारी करण्यात आला आहे. हवामान विभागाने वर्तवलेल्या अंदाजानुसार, मुंबई आणि परिसरात मध्यम ते मुसळधार पावसाची शक्यता वर्तवण्यात आली आहे. सिंधुदुर्गपासून किनारपट्टीपर्यंत मुसळधार पावसाची शक्यता आहे. त्या पार्श्वभूमीवर किनारपट्टी भागात राहाणाऱ्यांना सतर्कतेचा इशाराही देण्यात आला आहे. मुंबईत गुरुवारी सकाळपासूनच पावसाचा जोर पाहायला मिळालाय. मुंबईत ठाणे, नवी मुंबई, बदलापूर आणि आजूबाजूच्या परिसरात जोरदार पाऊस झाला. तर कल्याणमध्येही मुसळधार पावसामुळे जनजीवन विस्कळीत झालं होतं.