मुंबई : दादर रेल्वे स्थानकात अमरावती एक्स्प्रेसला किरकोळ आग लागली होती. ब्रेकमधून धूर निघाल्याने प्रवाशांना एक्स्प्रेसमधून तत्काळ खाली उतरवण्यात आलं होतं. सुरक्षेच्या कारणास्तव तातडीने खबरदारी बाळगत दादर स्थानका प्रवाशांना एक्स्प्रेसमधून खाली उतरवण्यात आल्याचं सांगण्यात आलं. दरम्यान, त्यानंतर आगीवर नियंत्रणही मिळवण्यात आलं. अमरावती एक्स्प्रेसच्या बी-9 कोटमधून धूर येत होता. ही बाब लक्षात येताच यंत्रणेनं प्रसंगावधान राखत तातडीने खबरदारीची पावलं उचलली. त्यामुळे थोडक्यात मोठा अनर्थ टळला. दरम्यान, आगीवर तात्काळ नियंत्रण मिळवून ट्रेन रवानाही करण्यात आली. त्यामुळे प्रवाशांनीही सुटकेचा निश्वास सोडला.