राज्यातील २९ महापालिका निवडणुकांचा निकाल जाहीर झाला आहे. महाराष्ट्रात तसेच मुंबईत भाजप सर्वात मोठा पक्ष ठरला आहे. भाजपनं ८९ जागांवर विजय मिळवला आहे. तर २९ जागा शिंदेसेनेनं जिंकल्या आहेत. आता मुंबईचा महापौर कोण होणार याबाबत चर्चा सुरू आहे. त्याचवेळी अवघ्या २९ जागा जिंकलेल्या शिंदेसेनेनं महापौरपद मिळावं, अशी इच्छा व्यक्त केली आहे.

मुंबईत अडीच अडीच वर्षे महापौरपद द्यावं, अशी इच्छा शिंदेसेनेचे नवनिर्वाचित नगरसेवक आणि नेत्यांनी व्यक्त केली आहे. बाळासाहेब ठाकरे यांच्या जन्मशताब्दी वर्षानिमित्त शिवसेनेचा महापौर बसावा, अशी त्यांची इच्छा आहे. भाजप आणि शिवसेना नेत्यांमध्ये या मुद्द्यावर चर्चा झाल्याचे कळते. आता भाजप पक्षश्रेष्ठी यावर कोणता निर्णय घेतात याकडं लक्ष लागलं आहे.