मुंबईत सुरू असलेल्या सततच्या पावसाचा फटका वाहतूक व्यवस्थेलाही बसला आहे. चेंबूर-भक्ती पार्क मार्गावरील मोनोरेल अचानक बंद पडल्याने तब्बल २०० प्रवासी गाडीत अडकले. घटनेची माहिती मिळताच महापालिका प्रशासन आणि आपत्कालीन पथक तातडीने घटनास्थळी दाखल झाले. बचाव कार्यासाठी ३ क्रेन बोलावण्यात आल्या. क्रेनच्या सहाय्याने प्रवाशांना सुरक्षितरीत्या बाहेर काढण्यात आले.

मोनो रेलमध्ये अडकल्याने प्रवाशांना नाहक त्रास सहन करावा लागला. प्रवाशांचा श्वास कोंडला. काही प्रवाशांनी मोनो रेलची काच तोडण्याचा प्रयत्न केला. यावेळी मोनो रेलच्या आत एक प्रवासी बेशुद्ध होऊन पडला. मोनोरेलच्या रेस्क्यू ऑपरेशनचा व्हिडिओ समोर आला आहे.