मुंबई स्वतःचे घर घेण्याचे अनेकांचे स्वप्न असते. परंतु घरांच्या किंमती एवढ्या वाढल्या आहेत की त्या सर्वसामान्यांच्या खिशाला परवडणाऱ्या नाही. याच मध्यमवर्गीयांसाठी आनंदाची बातमी आहे. म्हाडाच्या मुंबई मंडळानं 2026 मध्ये किमान 5 हजार घरांची सोडत काढण्याची तयारी पूर्ण केली आहे. याची जाहिरात मार्चअखेर किंवा एप्रिलच्या सुरुवातीला प्रसिद्ध होण्याची शक्यता आहे. 2025 मध्ये घरांच्या अभावामुळे सोडत होऊ शकली नव्हती. मात्र यंदा मंडळाने निर्माणाधीन घरांचा समावेश करून ही कसर भरून काढली आहे. यामध्ये पत्राचाळ, विक्रोळी आणि प्रतीक्षानगरमधील घरांचा समावेश आहे. विजेत्यांना घराच्या ताब्यासाठी 2027 ते 2029 पर्यंत प्रतीक्षा करावी लागू शकते.