संजय गडदे, साम प्रतिनिधी

मुंबईच्या वरळी येथील डॉक्टर नारायण हार्डीकर मार्गावरील महाकाली नगर परिसरात आग लागल्याची घटना घडली आहे. येथील १२ ते १५ झोपड्यांना आग लागल्याची घटना रात्री साडेआठ वाजण्याच्या सुमारास घडली आहे. सिलेंडरचा स्फोट देखील झाला आहे. घटनास्थळी अग्निशमन दलाच्या तीन गाड्या घटनास्थळावर दाखल झाल्या आहेत. अग्निशमन दलाच्या जवानांकडून आगीवर नियंत्रण मिळवण्याचे काम युद्ध पातळीवर सुरू आहे. ( Worli Fire Tragedy: Cylinder Blast Sparks Blaze in Mahakali Nagar Slum Area Mumbai)

झोपड्यांना आग कशी लागली याचे कारण मात्र अद्याप स्पष्ट झाले नाहीये. दरम्यान मेट्रोच्या कामामुळे या ठिकाणी वारंवार आग लागत असल्याचा आरोप नागरिकांकडून करण्यात येत आहे.