Mumbai Malad Subway: मुंबईत सध्या जबरदस्त पाऊस सुरू आहे. गेले दोन दिवस मुंबईत मुसळधार पाऊस पडतोय. अनेक ठिकाणी पाणी साचलंय. यासगळ्यात नागरिकांचे प्रचंड हाल होतायत. कुठे गुडघाभर पाणी, कुठे झाड कोसळलंय. वाहतुक ठप्प झालीये, लोकल वेळेत नाहीत. मुंबईच्या मालाड पूर्व पश्चिमेला जोडणारा मालाड सबवे देखील जलमय झाला होता. या सबवेमध्ये एक दुचाकी, एक लाल रंगाची कार अडकली होती. सबवेतील पाणी ओसरल्यानंतर पाण्यात पूर्णपणे बुडालेली लाल रंगाची कार क्रेनच्या सहाय्याने आता बाहेर काढण्यात आली आहे.