मुंबईतील लोकलमध्ये महिलांच्या हाणामारीचा व्हिडिओ समोर आलाय.. अंधेरीहून विरारकडे जाणाऱ्या लोकलमध्ये हा प्रकार घडल्याचं कळतंय. अंधेरी फलाट क्रमांक चारवर काही महिला लोकलमध्ये चढल्यानंतर त्यांच्यात वाद झाला. त्यानंतर हाणामारी झाली. या घटनेमुळे रेल्वे प्रवाशांच्या सुरक्षेचा प्रश्न पुन्हा ऐरणीवर आला आहे. कठोर उपाययोजनांची मागणी प्रवाशांनी केली आहे.

मुंबईच्या उपनगरीय लोकलमधून दररोज लाखोंच्या संख्येने लोक प्रवास करत असतात. सकाळी आणि संध्याकाळच्या वेळी प्रवाशांची तुफान गर्दी होते. या गर्दीत रेटारेटी आणि धक्काबुक्की होत असते. काही प्रवाशांकडून दरवाजा अडवला जातो. यावरून वाद होतात. कधीकधी हे शाब्दिक वाद थेट हाणामारीपर्यंत जातात. महिलांच्या डब्यातही हाणामारी होते. असाच एक व्हिडिओ आता व्हायरल होत आहे. अंधेरी-विरार लोकलमध्ये हा प्रकार घडला आहे. महिलांच्या डब्यात दोन गटात हाणामारी झाली. अंधेरीच्या फलाट क्रमांक चारवर काही महिला लोकलमध्ये चढल्या. त्यानंतर वाद झाला. या वादाचं पर्यावसन हाणामारीत झालं. हा व्हिडिओ व्हायरल झाल्यानंतर प्रवाशांच्या सुरक्षेचा प्रश्न ऐरणीवर आला आहे.

हा व्हिडिओ सोशल मीडियावर व्हायरल होत आहे.