पश्चिम रेल्वे मार्गावरील वाहतूक विस्कळीत झाली आहे. ग्रँड रोड स्थानकाजवळ एक प्रवासी लोकलखाली आल्यामुळे पश्चिम रेल्वेची डाऊन मार्गावरील वाहतूक विस्कळीत झाली आहे. या घटनेची माहिती कळताच रेल्वे कर्मचाऱ्यांनी घटनास्थळी धाव घेतली. या घटनेमुळे पश्चिम रेल्वे मार्गावरील वाहतूक विस्कळीत झाली आहे.

चर्चगेटवरून विरारच्या दिशेने जाणाऱ्या सहा लोकल फेऱ्या रद्द करण्यात आल्या. तर अनेक लोकल १५ ते २० मिनिटं उशिराने धावत आहेत. दरम्यान सध्या वाहतूक पूर्वपदावर येत आहे. पश्चिम मार्गावरील अनेक प्रमुख स्थानकांवर प्रवाशांची मोठी गर्दी पाहायला मिळात आहे. ऐन गर्दीच्या वेळी लोकल वाहतूक विस्कळीत झाल्यामुळे प्रवासी हैराण झाले आहेत. रात्रीची वेळ असल्याने महिला प्रवासी प्रवाशांचे प्रचंड हाल झाले आहे.