Mumbai Local Mega Block Update: पश्चिम रेल्वेने प्रवास करणाऱ्या लोकल प्रवाशांसाठी महत्त्वाची बातमी समोर आली आहे. पश्चिम रेल्वेवर शुक्रवारी, शनिवारी मेगाब्लॉक घेण्यात आला आहे. त्यामुळे ३३४ लोकल रद्द करण्यात आल्या आहेत. पश्चिम रेल्वेने प्रवास करण्याचा विचार करत असाल तर आधी वेळापत्रक नक्की पाहावे.

पुन्हा एकदा पश्चिम रेल्वेवर आज आणि शनिवार रात्री रात्रकालीन जंबो मेगा ब्लॉक घेण्यात आला आहे. या मेगा ब्लॉकदरम्यान पश्चिम रेल्वेच्या ३३४ लोकल रद्द करण्यात आल्यात. त्याशिवाय अनेक एक्सप्रेस गाड्यांच्या वाहतुकीवर देखील मोठा बदल होणार आहे. माहीम ते वांद्रे स्थानकादरम्यान पुलाचा गर्डर टाकण्यासाठी दोन दिवसांचा ब्लॉक घेण्यात आला आहे. या मेगाब्लॉकमुळे पश्चिम रेल्वेने प्रवास करणाऱ्यांना पुढील तीन दिवस खोळंबा होण्याची शक्यता आहे.