कुर्ल्यात २ दिवसांपूर्वी झालेल्या बेस्ट बसच्या अपघाताबाबत नवी माहिती समोर येत आहे. ऑटोमॅटिक गाडी चालवण्याचा अनुभव नसल्याने गोंधळल्याचा दावा बस चालक संजय मोरे याच्या पोलीस चौकशीदरम्यान केला आहे. तसंच क्लच नसलेल्या गाड्या चालवणं गैरसोयीचं सुतोवाच देखील त्याने यावेळी काढलं आहे. बस चालवताना क्लच समजून एक्सलेटर दाबल्याचा कबुली जबाबच मोरे याने पोलीसांना दिला आहे.

बस चालवण्याचा अनुभव असला तरी या आधी त्यानं कधीच ऑटोमॅटिक बस चालवलेली नव्हती. १ डिसेंबरला त्याने पहिल्यांदाच ऑटोमॅटिक बस चालवली. बसच्या तपासणीत ब्रेक काम करत असल्याचंही निष्पन्न झालं आहे. तसंच आता संजय मोरे याने पोलीसांना दिलेल्या जबाबानंतर अनुभव नसताना त्याला ही बस चालवायला कोणी दिली, असा प्रश्न आता उपस्थित होत आहे.