1 मार्चपासून रो-रो सेवा सुरू होणार आहे. रोरो सेवेचे तिकीटदर हे सर्वसामान्यांच्या खिशाला परवडणारे नाहीये. रोरो सेवेचे तिकीट प्रतिप्रवासी 3 हजार ते 9 हजार रुपयांपर्यंत आहेत. हे दर सर्वसामान्यांच्या आवाक्याबाहेरचे असल्याने प्रवाशांनी नाराजी व्यक्त केली आहे. बस आणि रेल्वेच्या तुलनेत हा प्रवास महाग असल्यानं नक्की ही सेवा कोणासाठी असा संतप्त सवाल कोकणवासीयांनी केला आहे. सणासुदीच्या पार्श्वभूमीवर कोकणात जाणाऱ्या प्रवाशांना दिलासा मिळेल, अशी अपेक्षा असताना, जाहीर दरांमुळे अपेक्षाभंग झाल्याची भावना कोकणवासीयांनी व्यक्त केलीये.

रोरो सेवेचे तिकीट दर

इकोनॉमी- ३ हजार

प्रिमियम इकॉनॉमी- ५ हजार

बिझनेस क्लास-७ हजार रुपये

फर्स्ट क्लास-९ हजार रुपये

बसचे दर हे रोरो सेवेपेक्षा खूप कमी आहे. दादर ते सिंधुदुर्ग बसचे दर २ हजार रुपये आहे. तर रेल्वेचे तिकीट दर १,२७७ ते २,८२७ रुपयांपर्यंत आहेत. यापेक्षा दुप्पट तिप्पट दर रोरो सेवेचे आहे.