मुंबई : मुंबईत पुन्हा एकदा हाणामारीची घटना घडली आहे. मुंबईच्या कांदिवलीत दोन कुटुंबात किरकोळ वादातून हाणामारी झाल्याची घटना घडली आहे. किरकोळ कारणावरून दोन कुटुंबीयांमध्ये झालेल्या तुफान हाणामारीच्या घटनेने परिसरात खळबळ उडाली आहे. कांदिवलीच्या पश्चिम गणेश नगर परिसरात ही घटना घडली आहे.

कांदिवली पश्चिम गणेश नगर परिसरात राहणाऱ्या अन्सारी आणि मन्सूरी या दोन कुटुंबात तुफान हाणामीर झाली. या दोन्ही कुटुंबामध्ये लोखंडी रॉड आणि बांबूने हाणामारी झाली. या मारहाणीचा व्हिडिओ सोशल मीडियावर प्रचंड व्हायरल झाला आहे. या हाणामारीचा व्हिडिओ व्हायरल झाल्यानंतर कांदिवली पोलिसांनी सुमोटो दाखल करत दोन्ही कुटुंबातील सदस्यांविरोधात गुन्हा दाखल केला आहे.