मुंबईतील पवईतील एका स्टुडिओमध्ये २० मुलांना ओलीस ठेवणाऱ्या रोहित आर्याचा पोलीस चकमकीत मृत्यू झालाय. पवईतील एका सोसाटीत तयार करण्यात आलेला स्टुडिआमध्ये एका वेबसीरिजसाठी ऑडिशन घेतली जात होती. पाच दिवसापासून मुलं ऑडिशनसाठी येत होती. मात्र रोहित आर्यानं २०मुलांना ओलीस ठेवले. पोलिसांना याची माहिती मिळाल्यानंतर पोलिसांना स्टुडिओला घेरलं होतं. रोहित आर्या हा मुलांना सोडच नव्हता त्यामुळे पोलिसांनी त्याला चर्चेत गुंतवलं. त्याच्याशी वाटाघाटी करण्यास सुरूवात केली. त्याचवेळी स्टुडिओच्या बाथरूमधून पोलिसांनी आत खोलीत प्रवेश केला आणि मुलांना सोडवलं. त्यादरम्यान आरोपी रोहित आर्या यांच्यात चकमक झाली. यात रोहित आर्या जखमी झाला होता, त्यानंतर त्याचा मृत्यू झाला. हा सहाय्यक पोलीस निरीक्षक अमोल वाघमारे यांच्या बंदुकीतील गोळीनं आर्याचा वेध घेतला. वाघमारे यांनी रोहित आर्याचा एन्काउंटर केला.