Mankhurd Pit bull Attack : अकरा वर्षाच्या मुलाला पिटबुल जातीच्या कुत्र्याने चावा घेतल्याचा धक्कादायक व्हिडिओ समोर आला आहे. मानखुर्द विभागातील एका 11 वर्षाच्या मुलाला पिटबुल जातीच्या कुत्र्याद्वारे रिक्षामध्ये एका इसमाद्वारे जाणून बुजून घाबरवले जात असलेला व्हिडिओ समोर आला आहे. घाबरत असताना कुत्र्याने त्या मुलाला त्याच्या मानेवर चावा घेतल्याचा प्रकार घडला आहे. त्या मुलाला चावा घेतला असता मुलाने तिथून पळ काढला. पण त्यानंतरही पिटबुल त्याच्या मागे लागला असून त्या श्वानाने त्याला परत विविध ठिकाणी चावा घेतल्याचे समोर आले आहे. मुलाने आपल्यासोबत घडलेली घटना वडिलांना सांगितले असता वडिलांनी मानखुर्द पोलीस स्टेशन गाठले आणि संबंधित पिटबुलच्या मालकावर गुन्हा नोंदविला. पोलिसांकडून पुढील तपास करण्यात येत आहे.