आज सकाळ पासून मुंबईसह अनेक भागांमध्ये पावसाने जोरदार बॅटिंग करायला सुरुवात केली आहे. मुंबईच्या मध्यवर्ती भागांमध्ये पावसाला सुरुवात झाली आहे. हवामान विभागाने मुंबईसाठी यलो अलर्ट जारी केला असून, पुढील काही तास जोरदार पावसाची शक्यता वर्तवण्यात आली आहे. चेंबुर, मानखुर्द, कुर्ला या भागात मुसळधार पाऊस सुरु झाला आहे. दुपारनंतर आणि संध्याकाळच्या सुमारास विशेषतः दाट वस्ती असलेल्या परिसरात पाणी साचण्याचा धोका असल्याचा इशारा देण्यात आलाय आहे. त्यामुळे नागरिकांनी अत्यावश्यक कारणाशिवाय घराबाहेर पडू नये, असा सल्ला प्रशासनाकडून देण्यात आला आहे. मुंबई आणि उपनगरांमध्ये मध्यम ते मुसळधार पाऊस होण्याची शक्यता आहे.