मुंबईमध्ये मध्यरात्रीपासूनच पावसाची जोरदार बॅटींग सुरू आहे. या पावसामुळे मुंबईमधील मध्य रेल्वे वाहतूक देखील विस्कळीत झाली असून नागरिकांची तारांबळ उडाली आहे. यामुळे नागरिकांचे मोठ्या प्रमाणात हाल होताना दिसत आहे. पाहिल्याच पावसाने मुंबईही तुंबल्याचे पाहायला मिळत आहे. रात्री पासून सुरू असलेल्या पावसामुळे माहिम येथील मिया मोहम्मद छोटणी क्रॉस रोडवरील एका इमारतीचा भाग कोसळला आहे. हाजी कॉसम चाळीत ही दुर्घटना घडली असून या दुर्घटनेत जिवीत हाणीची अद्याप पर्यंत माहिती मिळू शकली नाहीये. घटनास्थळी बचाव कार्य करण्यासाठी जवान पोहोचले आहे.