मुंबई शहरात काल रात्रीपासून पावसाने काहीशी विश्रांती घेतली होती परंतू, आज अनेक भागांमध्ये सकाळपासूनच पावसाने हजेरी लावली आहे. वांद्रे बीकेसी, सांताक्रूझ परिसरात मुसळधार पावसाच्या सरी कोसळताना दिसत आहेत. पावसामुळे काही भागांत वाहतूक संथगतीने सुरू असून, सकाळच्या कामाच्या वेळेत नागरिकांना अडथळ्यांचा सामना करावा लागत आहे.

समुद्रालासुध्दा आज उधाण येणार आहे. उंचच उंच लाटा उसळणार आहेत. त्यामुळे हवामान विभागाकडून किनारपट्टी लगतच्या नागरिकांना सतर्कतेचा इशारा देण्यात आला आहे. पुढील काही तास मुंबई आणि उपनगरांत जोरदार पावसाची शक्यता असल्याने नागरिकांनी आवश्यक ती काळजी घेण्याचे आवाहन करण्यात आले आहे.