मुंबईत आज पहाटेपासून जोरदार पावसाने हजेरी लावली असून, यामुळे संपूर्ण शहरातील जनजीवन विस्कळीत झाले आहे. यंदा मान्सून लवकर दाखल झाल्याने पावसाची सुरुवातही अपेक्षेपेक्षा लवकर झाली आहे. पहिल्याच पावसात मुंबई तुंबली असून अनेक भागांमध्ये पाणी साचले आहे.

पावसाचा सर्वाधिक फटका रेल्वे सेवेला बसला आहे. ठाणे रेल्वे स्थानकातून कल्याणच्या दिशेने जाणाऱ्या लोकल ट्रेन २० मिनिटे उशिराने धावत आहेत. यामुळे प्रवाशांची मोठी कसरत सुरू असून, कामावर जाणाऱ्या नागरिकांचे हाल होत आहेत.

कुर्ला रेल्वे स्थानक परिसरात मोठ्या प्रमाणात पाणी साचले असून, हे स्टेशन जलमय झाले आहे. मध्य रेल्वेची वाहतूक विस्कळीत झाल्याने शहरातील दळणवळण पूर्णतः प्रभावित झाले आहे.