मुंबई-गोवा महामार्गावरील रस्त्यांची अक्षरश: चाळण झाली आहे. पहिल्याच पावसात रस्त्यांवर भले मोठे खड्डे पडले आहेत. खड्डांमध्ये पाणी साचल्याने वाहनचालकांना प्रवास करताना मोठी कसरत करावी लागत आहे. विशेष करुन गडब, नागोठणे आणि लोणेरे परिसरात सर्व्हिस रोडची दुरवस्था झाली आहे. रस्ते उखडले गेले आहेत. पावसामुळे खड्डे नजरेस न पडल्याने अपघाताची शक्यता वाढली आहे. वाहनचालकांना अक्षरश: तारेवरची कसरत करत मार्ग काढावा लागत आहे.

या परिस्थितीमुळे स्थानिक नागरिक आणि पर्यटक दोघांच्याही सुरक्षितेचा प्रश्न निर्माण झाला आहे.अनेक वाहनांचे टायर फुटणे, निघालेले पार्ट्स, आणि वाहतुकीत अडथळे ही समस्या वाढत चालली आहे. महामार्गाचे काम अद्याप पूर्ण न झाल्याने आणि योग्य देखभाल न झाल्याने अशी परिस्थिती उद्भवली आहे.