मुंबईकरांसाठी महत्त्वाची बातमी समोर येत आहे. 7 बेटांपासून तयार झालेली मुंबई पुन्हा पाण्याखाली जाण्याची भिती वर्तवली जात आहे. बंगळुरुतल्या CSTEP सेन्टर फॉर स्टडी ऑफ सायन्स टेक्नॉलॉजी अॅन्ड पॉलिसी या संस्थेने या संदर्भात महत्त्वाचा अभ्यास केला आहे. 2040 पर्यंत मुंबईतील 10 टक्क्यांहून अधिक जमीन पाण्याखाली जाण्याची शक्यता या अभ्यासात वर्तवण्यात आली आहे. 21 व्या शतकाच्या अखेरपर्यंत मुंबईतील पाणी पातळी ही 76.2 सेमी वाढण्याची भती देखील व्यक्त केली गेली आहे. दरम्यान भारतातील किनारपट्टीवरील 15 शहरांनासुद्धा समुद्राच्या वाढत्या पाणी पातळीचा धोका असल्याचा इशारा CSTEP च्या अभ्यासामध्ये देण्यात आला आहे.