रायगड : मुंबई-पुणे एक्स्प्रेस वे ववर चांदी जप्त केली आहे. या मार्गावर कोट्यवधींची चांदी जप्त केली आहे. खालापूर पोलिसांनी ही धडक कारवाई केली आहे. दहा कोटींपेक्षा अधिक रक्कमेची चांदी असल्याची प्राथमिक माहिती हाती आली आहे.

पिकअप टेम्पोमधून १० कोटींहून अधिक चांदीची वाहतूक होत होती. खालापूर टोलनाक्यावर चांदीची वाहतूक करणारा टेम्पो पोलिसांनी ताब्यात घेतला आहे. जप्त केलेल्या मुद्देमालामध्ये चांदीच्या वस्तू आणि विटांचा समावेश आहे. खालापूर DYSP विक्रम कदम आणि पोलीस निरीक्षक सचिन पवार यांनी मोठी कारवाई केली आहे.

भरारी पथकाने केली मोठी कारवाई

चेंबूरमध्ये भरारी पथकाने लाखोंची रक्कम पकडली. घाटकोपरहून चेंबूरच्या दिशेने ही कार येत होती. कारमध्ये तीन व्यक्ती लाखोंची रक्कम घेऊन जात होते. या वेळी एमजी रोडवर पेस्तम सागर येथील चेक पोस्टवर तपासणी केली असता हे लाखो रुपये पथकाला आढळले. पैसे आणि कार घेऊन पथक टिळक नगर पोलिस ठाण्यात दाखल झाले.