मुंबईत कबुतरखान्यांबाबत नागरिकांच्या हरकती आणि सूचना मागवून अंतिम निर्णय घेण्याच्या सूचना न्यायालयाने महापालिकेला दिल्या होत्या. त्यानुसार आता कार्यवाही करून महापालिकेने मुंबईतील चार ठिकाणी कबुतरांना नियंत्रितरीत्या दाणे टाकण्याची परवानगी दिली आहे. या चार ठिकाणी दररोज फक्त सकाळी 7 ते 9 या कालावधीतच कबुतरांना दाणे टाकता येणार आहेत. जी – दक्षिण विभागातील वरळी जलाशय, अंधेरीतील लोखंडवाला बॅक रोडवरील खारफुटी परिसर, मुलुंड येथील खाडी परिसर आणि बोरिवलीतील गोराई मैदान या ठिकाणी कबुतरांना दाणे टाकण्यास परवानगी देण्यात आली आहे.अनियंत्रित कबुतरखान्यांमुळे वाढणारे आरोग्यविषयक धोके टाळण्यासाठी हा निर्णय महत्त्वाचा ठरणार आहे.