मुंबई: पावसाळ्यात मुंबई तुंबण्यापासून वाचविण्यासाठी मुंबई महानगरपालिका दरवर्षी मिठी नदीतील गाळ काढण्यासाठी निविदा काढत असते. मागच्या तीन वर्षात या निविदा प्रक्रियेत 1 हजार कोटींहून अधिक रुपयांचा घोटाळा झाला असून करदात्या मुंबईकरांची फसवणूक झाली आहे. अशातच पुन्हा एकदा

मिठी नदीतील गाळउपसा कऱण्यासाठी मुंबई महापालिकेला नवीन कंत्राटदार शोधण्यात अपयश आले आहे. अनेक कंत्राटदारांनी मिठी नदीतील गाळउपसा करण्याच्या कामाला नकार दिल्यामुळे मिठी नदी गाळउपसा घोटाळ्यात गुन्हा दाखल झालेले आणि नाले सफाईप्रकरणात काळ्या यादीत टाकलेल्या कंत्राटदारांवरच पुन्हा या कामाची जबाबदारी सोपवण्याची वेळ महापालिकेंवर आली आहे. तसेच मिठी नदीतील गाळउपशाचे केवळ ५६ टक्के काम पूर्ण झाल्यामुळे यंदा देखील वस्तीमध्ये हे दूषित पाणी शिरण्याची शक्यता आहे.