Eknath Shinde Strategy On Mayor Election : मुंबई महापालिकेत कुणालाही स्पष्ट बहुमत मिळले नाही. त्यामुळे महापौर कुणाचा बसणार? याकडे सर्वांच्या नजरा खिळल्या आहेत. एकनाथ शिंदेंच्या शिवसेनेने महापौर पदावर दावा केला आहे. अडीच वर्षांचे महापौरपद द्यावे, असा दावा शिंदेसेनेकडून करण्यात आलाय. पण भाजप शिंदेंची मागणी मान्य करणार का? मुंबईतील जागावाटपाचा हट्ट भाजपकडून पुरवण्यात आला. शिंदेंना हव्या तेवढ्या जागा दिल्या, पण त्याचा भाजपला फारसा फायदा झाला नाही. त्यामुळे आता अडीच वर्षांचे महापौरपद देणार का? याकडे सर्वांच्या नजरा लागल्या आहेत. शिंदेंनी आपले सर्व नगरसेवक फाईव्ह स्टार हॉटेलमध्ये मुक्कामी ठेवलेत.

महापौर निवडीच्या पार्श्वभूमीवर एकनाथ शिंदेसेनेने मोठा डाव आखल्याचे चित्र आहे. सत्तासमीकरण मजबूत ठेवण्यासाठी शिंदे गटाच्या नगरसेवकांना मुंबई फाईव्ह स्टार हॉटेलमध्ये मुक्कामासाठी ठेवण्यात आले आहे. संभाव्य फुट टाळण्यासाठी आणि पक्षशिस्त कायम राखण्यासाठी हा निर्णय घेतल्याची चर्चा आहे. दरम्यान, मुख्यमंत्री एकनाथ शिंदे आज नगरसेवकांशी थेट संवाद साधणार आहेत. या बैठकीत महापौर निवड, मतदानाची रणनीती आणि पुढील राजकीय दिशा यावर चर्चा होण्याची शक्यता आहे. या हालचालींमुळे महापौर निवडीआधीच राजकीय वातावरण तापले असून विरोधकांनीही या घडामोडींवर लक्ष केंद्रित केले आहे.