मुंबई महानगरपालिकेत जन्म प्रमाणपत्रांचा एक अत्यंत मोठा आणि खळबळजनक घोटाळा समोर आलाय. आतापर्यंत तब्बल 19 हजार 734 जन्म प्रमाणपत्र बनावट असल्याचं उघड झालं आहे. याप्रकरणी राज्य सरकारनं ही प्रमाणपत्रे रद्द करण्याचा प्रस्ताव मंजूर केला आहे. या महाघोटाळ्याच्या सखोल चौकशीसाठी राज्य सरकारनं SIT स्थापन केली असून, या प्रकरणी आतापर्यंत 4 वैद्यकीय आरोग्य अधिकाऱ्यांना निलंबित करण्यात आलं आहे.

महाराष्ट्र सरकारच्या आरोग्य सेवा संचालनालयाने बृहन्मुंबई महानगरपालिका (BMC) क्षेत्रात 'दुरुस्ती' किंवा 'शुद्धलेखनातील दुरुस्ती'च्या नावाखाली जारी करण्यात आलेली १९,७३४ जन्म प्रमाणपत्रे रद्द करण्याचे आदेश दिलेत. भाजप नेते याप्रकरणाचा मुद्दा बराच काळापासून लावून धरला होता. या प्रकरणाशी संबंधित माहिती आणि कागदपत्रांचे अनेक कागदपत्र राज्य सरकारकडे सादर करण्यात आले होते. प्रशासनाने अखेर या मुद्द्यावर कारवाई केली आहे. प्रमाणपत्रे आणि त्याशी संबंधित प्रक्रियांची वैधता पडताळून पाहिल्यानंतरच हा निर्णय घेण्यात आल्याचे सरकारने स्पष्ट केले आहे. आरोग्य सेवा संचालनालय, पुणे यांनी ही कारवाई सुरू करण्यासाठी मुंबई जिल्हा निबंधकांना निर्देश दिले आहेत.